സ്വാതന്ത്ര്യ ദിനാഘോഷം 

സ്വാതന്ത്ര്യദിനം വർണാഭമായ പരിപാടികളോടെ ആഘോഷിച്ചു.രാവിലെ 9 മണിക്ക് ഹെഡ്മിസ്ട്രസ് പതാക ഉയർത്തി.വാർഡ് മെമ്പർ കുട്ടികളോട് സംസാരിച്ചു.തുടർന്ന് കുട്ടികൾ ദേശഭക്തിഗാനങ്ങൾ ആലപിച്ചു.സ്വാതന്ത്ര്യദിന സന്ദേശവുമായി കുട്ടികളും അധ്യാപകരും രക്ഷിതാക്കളും ചേർന്ന് നടത്തിയ റാലി അതിഗംഭീരമായിരുന്നു.ക്ലബ് അംഗങ്ങൾ സ്‌കൂൾ അലങ്കരിക്കുകയും പായസവിതരണം നടത്തുകയും ചെയ്തു.

ഓണാഘോഷം 

മുദിയക്കാൽ ഗവൺമെന്റ് എൽ പി സ്കൂളിലെ ഈ വർഷത്തെ ഓണാഘോഷം ഗംഭീരമായി നടന്നു.രക്ഷാകർത്താക്കളുടെയും നാട്ടുകാരുടെയും 

അധ്യാപകരുടെയും നേതൃത്വത്തിൽ നടന്ന ഓണാഘോഷത്തിന്റെ ഉദ്‌ഘാടന കർമം നിർവഹിച്ചത് ബഹു :വാർഡ് മെമ്പർ ശ്രീ കുഞ്ഞിരാമൻ അവർകളായിരുന്നു.വിദ്യാർത്ഥികൾക്കും അമ്മമാർക്കും വിവിധ കായികമത്സരങ്ങൾ നടന്നു.

രുചികരമായ ഓണസദ്യയുമുണ്ടായിരുന്നു.